पुरुषसँग प्रतिस्पर्धा गर्न मज्जा हुन्छः रुक्मिणी सेढाई

2018-06-13

काठमाडौं । रुक्मिणी सेढाईले जहाँ हात हाल्छिन् त्यहाँ सफलता पाएकै हुन्छिन् । निडर, कर्मठ र संघर्षले नै उनी आफू सफल भएको बताउँछिन् । जसले जुन क्षेत्रसँग संगत गरेको छ उसले उनलाई यही क्षेत्रको मात्र मान्छे होलिन् भन्ने बुझ्छ तर उनको बहुबिधा र उनको सक्रियता जान्ने मान्छेले भने उनको सबै क्षेत्रबारे जानकारी राखेका हुन्छन् र त्यो सक्रियतालाई पनि बुझ्छन् ।
उनी सानैदेखि अलिकति फरक चरित्र र गुण भएको व्यक्तिका रुपमा आफूलाई लिने गर्छिन् । नयाँ काम गर्ने र नयाँ ठाउँमा गएर केही सिकौं भन्ने चाहनाले नै उनलाई बाल्यकालमा धेरैवटा विद्यालय चहार्न वाध्य बनायो । उनी राजनीति, व्यापार, समाजसेवा र धार्मिक क्षेत्रमा पनि सफल छिन् । अचम्मको कुरा त के छ भने उनी अहिले जहाँ पदाधिकारी भएर भूमिका निर्वाह गरेकी छिन् त्यहाँ पुरुषसँग नै प्रतिस्पर्धा गरेकी हुन् । उनी आफूँसँग आँट भएकाले जोसुकैसँग पनि संघर्ष र प्रतिस्पर्धा गर्न पछि नपर्ने बताउँछिन् । चाहना व्यापार संघकी उपाध्यक्ष, नेपाल व्यापार संघकी प्रथम सचिव र नेपाल राष्ट्रिय व्यवसायी महासंघकी उपाध्यक्ष रुक्मिणी जुनसुकै कुरा पनि तत्काल होस् भन्छिन् यसको अर्थ ‘शुभकार्यमा ढिलो गर्नु हुँदैन’ भन्ने नै हो । उनी नेपाल व्यापार संघ र नेपाल राष्ट्रिय व्यवसायी महासंघकी महिला विभाग प्रमुख हुन् । व्यवसायी महासंघमा १८ वटा व्यापार व्यवसायी संस्था आवद्व छन् । उनले गत जेष्ठ, भाद्र र फागुनमा नै ३ वटा निर्वाचन धानेकी थिइन् । नेतृत्वमा जान सजिलो नहुने अनेकन गुट–उपगुटको शिकार हुनुपर्ने बुझेकी उनलाई नेतृत्व लिएर केही गरौं भन्ने भाव जागिरहेको हुन्छ । आफूसँग समय कम छ भन्ने थाहा छ तरपनि जिम्मेवारी आइलागे पछि हटेकी छैनन् । आफ्नो चाहनाले भन्दा पनि उनी अरुको बढी दबाबले नेतृत्वमा पुगेकी छिन् । तर जहाँ जुन पदमा बसेपनि आफूलाई अब्बल बनाएरै छोडेकी हुन्छिन् । अरुलाई झुक्याएर सीमित फाइदा लिने सोच उनमा नभएकाले जे बोले पनि सत्य कुरा गर्ने र अरुबाट पनि आफ्नो जस्तो राम्रो व्यवहारको अपेक्षा गर्छिन् । चाहना व्यापार संघ भोटाहिटीकी उपाध्यक्ष रुक्मिणी सेढाइले व्यापारीको हकहितको लागि धेरै संघर्ष गर्नुपरेको बताएकी छिन् । उनी नेपाल हिमालय सिमापार व्यापार संघको पनि साधारण सदस्य हुन् । उनले महाधिवेशनमा नेपाली कांग्रेसनिकट प्रजातन्त्रबादी धारका उम्मेदवार बच्चु पौडेललाई खुलेरै सघाइन् ।
उनले व्यवसायीको पक्षमा लागिरहँदा धेरै समस्याहरु भmेल्नुपरेको बताइन् । १६ वर्ष अघिदेखि बीर अस्पताल अघि व्यापार गर्दै आएकी उनले टेण्डर पार्न पनि निकै ठूलो दुःख गर्नुपरेको बताइन् । ‘ प्रत्येक ३ वर्षमा टेण्डर हुन्छ त्यो बेला को –को कस्ता मान्छे आउँछन् त्यसको कुरा गरेर साध्य छैन ’ उनले भनिन् ‘ विभिन्न व्यक्तिले फोन गरेर टेण्डर नलिन भनेर धम्क्याउँथे तर पनि आफ्नो अडान छोडेनौं ।’ बैशाख २० गतेबाट बीर अस्पतालको जग्गामा रहेका ७ वटा सटर तत्कालको लागि खाली गरिएको छ । उनीहरुले एकै दिनबाट व्यवसाय सुरु गरेका थिए । सँगै रहेको खाली जग्गामा सुविधासम्पन्न भवन बनाइँदै गरेकाले यी सटरलाई समेत असर पर्ने भनेर सटर बन्द गरिएको छ । ‘ विकास भएपछि हाम्रो पनि व्यापार राम्रो होला भन्ने लागेको छ, फेरि पनि हामीलाई त्यही ठाउँमा बस्न दिने भनिएको छ ’ सेढाइले भनिन् ‘ अहिले त हाम्रो विजोग नै भएको छ, गोदाममा बसेर व्यापार गरेका छौं तर सामूहिक एकता कायम राखेका छौं ।’ सँगै रहेका ७ वटा सटरको पनि अलग–अलग दर थियो । उनले आफ्नो सटरको भाडा सस्तो भएपनि अरु महंगो मूल्य तिरिरहेकाको सजिलाको लागि आन्दोलन गरेर भाडा दरमा एकरुपता कायम गरेको र थोरै भएपनि घटाएको बताइन् । यहाँ ९० भन्दा बढी व्यापारी रहेका छन् । यो व्यापार संघले सधैं फाइदा र नाफामात्र नहेरी सामाजिक काममा पनि समय खर्चेको र सहयोग गरेको जनाएको छ । तीन वर्षअघि नेपालमा गएको पहिरो, त्योभन्दा अघि सिन्धुपाल्चोकको जुरेमा गएको पहिरोमा परी घाइते भएका मानिसका लागि उद्वार र राहतका कार्यक्रम गरेर पीडितलाई सहयोग गरेको बताइन् । अस्थिर सरकार र सरकारको फेरिइरहने नीति नियमले व्यापारी मर्कामा परेको भन्दै उनले सरकार र सरोकारवालाई त्यसतर्फ ध्यान दिन आग्रह गरेकी छिन् । सरकारले व्यवसायीबाट करमात्र लिने तर सेवा सुविधा नदिने गरेकामा उनलार्य चिन्ता लागेको छ । उनी विशेष गरी महिलाको पक्षमा लाग्छिन्, महिलालाई सक्षम बनाएर समाजको बिकास छिट्टै गर्न सकिन्छ भन्ने बुझेकी उनले महिलाको विपक्षमा लाग्ने महिला नै हुन्छन् भन्ने गुनासोको अन्त्य हुनुपर्छ भन्छिन् । 
२०३३ साल मंसीर १२ गते नुवाकोटको सूर्यमति गाउँ बिकास समितिमा पिता भूगेन्द्र र माता ईश्वरीको कोखबाट जन्मेकी उनी ५ वर्षसम्म मावल नै बसेर पढिन् । उनले सूर्यमती प्रावि (अहिले मावि), निरन्जन मावि, महेन्द्र मावि, भीमसेन प्रावि, श्री शान्ति मावि पढिन् । उनले चुहाडी पव्लिक माविबाट एस्एल्सी पास गरिन् । नयाँ कुरा सिक्ने र जान्ने रहर भएकाले नै रहेछ उनी सधैंजसो विद्यालय परिवर्तन गरिरहन्थिन् , मावल नै बसेर पढेकी उनी घरबाट निस्कँदा भने आफ्नै विद्यालय जान भनेर हिँड्ने गर्थिन् । राम्रो पक्ष के थियो भने पढ्न जहाँ पढे पनि परीक्षा दिन भने भर्ना भएको विद्यालयमा नै आउँथिन् । जति विद्यालय पढिन् त्यहाँका साथीहरुसँग अझै पनि राम्रो सम्वन्ध छ । उनी सबैजसो विद्यालयमा गएर अतिरिक्त क्रियाकलापमा भाग लिने गर्थिन् । उनले नुवाकोट आदर्श बहुमुखी क्याम्पस बट्टारमा एक वर्ष आइकम पढिन् त्यसपछि काठमाडौंको लैनचौर क्याम्पस पढिन् । आइकम पढेसँगै साइकोलोजीको कक्षा पनि लिइन् शिक्षक नन्दराज आचार्यसँग, त्यो पनि पास गरिन् ।
२०४६ साल फागुन ४ गते उनी नेपाल विद्यार्थी संघको राजनीतिमा लागिन् । उनलाई बासु अधिकारीले सदस्यता दिएका थिए । मामा राजाराम सिलवालसँगै राजनीति गर्न थालिन्, रातभर मामा–भान्जीको सल्लाहमा नै भोलिपल्टका कार्यक्रम हुने गर्दथे । भाषण गर्न मन पराउने उनले प्रमुख जिल्ला अधिकारी अतिथि भएको कार्यक्रममा सरकारलाई ‘प्रतिगामी तत्व’ भनिदिएपछि झण्डै पक्राउ खानुपरेको थियो । सुरुमा सिडिओले पक्राउ गर्ने आदेश दिएपनि उनी झन् कडा शव्दमा बोलिरहिन् अन्त्यमा उनको भाषणकलाकै जित भयो । उनले त्रिभुवन त्रिशुली, चुहाडी माविमा नेविसंघको संगठन गरिन् । एकपटक पक्राउ परेर प्रहरीले लाँदा उनलाई प्रहरी कार्यालय पु¥याउनुभन्दा अघि नै अर्जुननरसिंह केसी प्रहरी कार्यालय पुगेर छुटाएको सम्झना ताजा छ । वाल्यकालमा धेरै सक्रिय भएपनि पछिल्लो समयमा व्यापार व्यवसायका कारण राजनीतिलाई नजिकबाट नियालिरहेकी उनी समयले आवश्यक ठानेमा सक्रिय बन्ने सोचमा छिन् । 
उनी नुवाकोटलाई कांग्रेसका धेरै नेताहरु भएको ठाउँ मान्छिन् । तर बेलामौका देखिने समस्या र गुटगत द्वन्द्वचाँहि उनलाई चित्त बुझेको छैन । डा. रामशरण महत, डा. प्रकाशशरण महत, अर्जुननरसिंह केसी, बहादुर सिंह लामा तामाङ, जगदीश्वरनसिंह केसी, रमेशकुमार महत नुवाकोटका चर्चित नेताहरु हुन् । उनी नेपाल तरुण दल र नेपाल महिला संघको जिल्ला सदस्य हुन् । समय मिले आफ्नै गाउँमा गएर राजनीति गर्ने सोच छ उनको तर कसैको आड भरोसा र कसैले नेता बनाइदिएको भरमा उनलाई नेता हुन मन छैन । उनी गुटको नेता भएर राजनीति गर्न चाहन्नन् । पछिल्लो समयमा राजनीतिप्रति जनताको हेर्ने दृष्टिकोण राम्रो नभएकोमा उनलाई चिन्ता छ । राजनीति समाजसेवा हो भन्ने भाव जगाउन उनी पहल गर्ने बताउँछिन् । ‘राजनीति व्यापारजस्तै भएको छ तर म यसो गर्नुपर्छ भन्ने पक्षमा छैन ’ उनले भनिन् ‘ अहिलेसम्म कसैको पनि अहित गरेको छैन, थप केह ीगर्न सकिन्छ कि भन्ने सोच छ राजनीतिमा लागेर सक्रिय भएपछि ।’ अहिलेको राजनीति खर्चिलो र महंगो भएकाले सबैभन्दा पहिले आफू सक्षम हुनुपर्छ भन्ने उनको प्रष्ट विचार छ । जुनसुकै निर्वाचनमा पनि पार्टीले टिकट दिँदा योग्य र सक्षम व्यक्ति पाखा लागेकामा उनलाई चिन्ता छ । ‘यो र त्यो गुट भन्ने अन्त्य हुनु जरुरी छ । सबैले मेरो कांग्रेस भन्ने दिन आउनुपर्छ ’ उनले भनिन् ‘ निर्वाचनमा पराजय भएपछि कांग्रेसलाई गाउँगाउँमा गएर संगठन गर्ने राम्रो अवसर मिलेको छ यसलाई सदुपयोग गर्न सक्नुपर्छ ।’नेविसंघको राजनीति गर्दा उनलाई एमालेकी बिन्दा पाण्डेले धेरै दुःख दिइन्, उनलाई संगठन जाँदा पनि बाटो छेक्ने र अनेक अवरोध गर्ने काम भयो त्यो दिन अझैपनि सम्झेकी छिन् रुक्मिणीले । बिन्दा एमालेको संगठन बनाउन हिँडेकी थिइन् । उनी अहिले पनि तत्कालीन एमालेको तर्फबाट समानुपातिक प्रतिनिधि सभाकी सांसद् छिन् । 
२०५१ साल असार २८ गते माधवप्रसाद पाण्डेसँग बिबाह गरेकी उनले सुरुमा घरपरिवार चलाउन र धान्न केही दुःख गर्नैप¥यो तर निरन्तर संघर्ष र मिहनेतले बिस्तारै सफल बन्दै गइन् । उनी पहिले केही समस्या भएको भन्न अप्ठेरो मान्दिनन् । बिबाह ‘मागी कि भागी’ भन्ने विषयमा धेरै बोल्न चाहिनन्, बिबाह स्वभाविक प्रक्रिया भएकाले यसमा धेरै टिप्पणी गर्दिनन् । जुनसुकै निर्णय गर्दा पनि श्रीमानसँग सल्लाह गर्ने उनी सफल भएको दावी गर्छिन् । १ वर्षमै छोरो पाएकी थिइन् । असार ३२ गते छोरो पाएकी उनले ५ दिनमै आइकमको परीक्षा दिइन् तर पनि पास भइन् ।
उनले शिक्षाको मात्र नभई समाजसेवाको क्षेत्रमा पनि आफूलाई स्थापित गरेकी छिन् । घरमा गलैंचा घुमाउन ल्याएकी एक महिलाले दुःख गरेर छोरो च्यापेको देखेपछि उनको मन रोयो, उनले ती महिलालाई ‘अब यसरी नानी च्यापेर नहिँड्न र त्यसको लागि शिक्षामा आफूले सहयोग गर्ने बताइन् । हुम्लाका ती बालक अहिले क्याम्पस पढ्ने भएका छन्, केही अघिसम्म उनले सम्पूर्ण पढाई खर्च र सामाग्री व्यवहोरेकी थिइन् । उनले माइजु सान्नानी सिलवालको नाममा बट्टार आदर्श बहुमुखी क्याम्पसमा अक्षय कोष स्थापना गरेकी छिन्, जेहेन्दार र लगनशील उत्कृष्ठ विद्यार्थीले यो कोष पाउने छ । दादुराको कारण निधन भएका भाई कोषराजको नाममा पनि अक्षय कोष स्थापना गर्ने तयारी छ । उनले गोंगबुको सन्तोषीमाताको मन्दिर २०५७ सालमा निर्माण गरेकी छिन् ।
बिहान सधैं ४ बजे उठ्ने उनी पुजाआजा गर्छिन् । बिहानको खाना पकाएर खाएर र खुवाएर सधैैं उनी व्यापारमा आउँछिन् । व्यापारबाट थोरै उब्रिएको समय समाजसेवामा लाउँछिन् जुन कामले एकातिर उनको घरजीविका पनि चलेको छ भने अर्कातिर नाम र इज्जत पनि कमाएकी छिन् । 
उनी जिवनमा इमान्दार भएर संघर्ष गर्ने बताउँछिन् । नेतृत्वमा गएपछि समय थोरै होला कि भनेर कतिपय ठाउँमा सहभागी हुन वा जिम्मेवारीमा नबस्न खोज्छिन् तर पनि उनको सिप र क्षमता बुझेकाले उनलाई राखिहाल्छन् । उनी सबै पार्टी र पक्षको सम्मान गर्छिन्, विपक्षीप्रति उनको राम्रो सद्भाव छ । विपक्षी नै भएनन् भने कुनै पनि प्रगति गर्न सकिँदैन भन्ने उनी पक्षधरभन्दा विपक्षीको सम्मान बढी गर्छिन् ।    

 


पुरुषसँग प्रतिस्पर्धा गर्न मज्जा हुन्छः रुक्मिणी सेढाई

Click to Zoom


पुरुषसँग प्रतिस्पर्धा गर्न मज्जा हुन्छः रुक्मिणी सेढाई

Click to Zoom




Advertisement

Advertisement

नक्कली बिल बनाएर कँग्रेसकी नेपालगन्ज उमहानगरका उपमेयर थापाद्धारा खानामा समेत भ्रष्टाचार, पत्रकारहरु समेत सहभागी

रोशन ज्ञवाली काठमाडौं । नेपालीमा एउटा उखान छ ‘अति नगर्नु अति गरे आफैलाई खती’ अहिले यही भइरहेको छ नेपालगञ्ज...

सहानुुभति भोट नपाउने भएपछि रबिन्द्रकी बिद्या तनावमा

रमेश कुमार बोहोरा काठमाडौं । सहानुुभति भोट नपाउने भएपछि पूर्व पर्यटनमन्त्री रबिन्द्रप्रसाद अधिकारीकी बिद्या...

राजापुरमा बटैया प्रथा हटाएर ‘तिक्कुर’ प्रथा लादन खोज्ने समूह सकृय

राजापुर । परम्परागत रूपमा चलेको बटैया (आधा–आधा बाँड्ने) प्रथा हटाएर तिक्कुर प्रथा (तीन भागको दुई भाग किसानलाइ र...

प्रधानमन्त्री केपी ओलीलाई सम्राट शाहको चुनौती

सम्माननिय प्रधानमन्त्री केपी ओली ज्यु सायद तपाई देश भक्त नेता एवंम देश भक्त प्रधानमन्त्री हो। सायद देशको यस्तो...

गाडी व्यवसायी मात्र फटाहा हुन् भनेर समस्याको समाधान हुदैनः भण्डारी

काठमाडा, बैशाख १ । नेपाल यातायात व्यवसायी राष्ट्रिय महासंघका उप–महासचिव बसन्त भण्डारीले सिन्डिकेटको अर्थ नै...

सिण्डीकेटविरद्ध सडकमा उत्रिए एसपी

सुमन ढुंगाना पोखरा । यातायातको सिन्डीकेटलाई रोक्न सरकार कडा रुपमा प्रस्तुत भईरहेको अवस्थामा पोखरामा यातायात...

ज्ञानेन्द्र शाह तेस्रो पटक राजा हुने पक्काः ज्यो. दीपक सुवेदी

काठमाडौं । ज्यो. दीपक सुवेदी त्यस्ता ज्योतिषी हुन् जसले बेला बेलामा राष्ट्रको बारेमा अनौठा अनौठा भविष्यवाणी...

काँग्रेसले देश र जनताको पक्षमा केही राम्रा काम गर्नुपर्छः रमेशकुमार महत

नुवाकोटका रमेशकुमार महत नेपाली काँग्रेस नेता हुन्, विद्यार्थीकालदेखि नै राजनीति गर्दै आएका उनी नेपाली...

लिटल मिस हेरिटेज नेपालको आयोजना हुने

काठमाडौं, जेठ २६ । जेनिथ इन्टरटेनमेन्ट द्वारा ईप्लानेट प्रा.लि. को सहकार्यमा लिटल मिस हेरिटेज नेपालको आयोजना...

सिस्टम नहुँदा नेपालमा समस्या छ–श्रेष्ठ

काठमाडौं, बैशाख १ गते । जापानमा बसोबास गर्दै आएका नेपाली अधिवक्ता बलराम श्रेष्ठले नेपालमा सिस्टम नहुँदा समस्या...

Advertisement
Advertisement

Subscribe our Newsletter