बिना अधिवेशन बिसौं वर्षदेखि राज
राजनीतिक संरक्षणमा मेहताको स्वेच्छारिता बढ्दो

3 महिना अगाडी

सुनसरी । लामो समयदेखि सुनसरी–मोरङ जल उपभोक्ता केन्द्रीय समन्वय समितिमा अधिवेशन नहुँदा एउटै व्यक्तिको हालिमुहाली रहँदै आएको छ । अधिवेशनै नहुँदा समन्वय समितिमा अध्यक्ष रामप्रसाद मेहताको स्वेच्छाचारितासमेत बढ्दो छ । 
मूलशाखासहित २० शाखा रहेको समन्वय समितिको कार्यकाल चार वर्ष हो । तर, यसलाई आफूखुसी संशोधन गरी पाँच वर्षे कार्यकाल बनाइएको छ । जुन ‘जल उपभोक्ता संस्था गठन तथा सञ्चालन कार्यविधि २०७२’सँगसमेत मेल खाँदैन । 
मेहताअघि पनि समन्वय समितिमा दुई अध्यक्ष थिए । मेहतालाई उनी अघिका अध्यक्ष पूर्णप्रसाद भट्टराईले पुनर्गठनमार्फत् नेतृत्व सुम्पेका थिए । तर, समितिको स्थापनाकालदेखि अहिलेसम्म अधिवेशनै भएको छैन । 
अधिवेशनै नहुँदा अहिले अध्यक्ष मेहताले स्वेच्छाचारी ढंगबाट समिति सञ्चालन गर्दै आइरहेको गुनासो छ । ‘नियमतः हरेक चार वर्षमा अधिवेशन हुनु पर्ने हो’, केन्द्रीय सदस्य सन्तोष साहले भने, ‘तर, संशोधन गरी पाँच वर्ष बनाइयो । अझ यहाँ त बिसौं वर्षदेखि एउटै व्यक्ति अध्यक्ष छ ।’ 
समिति सदस्यहरुका अनुसार विधिसम्मत तरिकाले अधिवेशन नभई कार्यसमिति पुनर्गठनमात्रै हुँदै आएको छ । यसले गर्दा कार्यसमितिमा स्वच्छ प्रतिस्पर्धाद्वारा नयाँ नेतृत्व आउन त सकेको छैन नै मेहताको स्वेच्छाचारितासमेत नियन्त्रण हुने अवस्थामा छैन । 
उपभोक्ता समितिको विधानअनुसारै पनि सबै शाखाका ७० प्रतिशत चुनाव सम्पन्न गर्ने र बाँकी रहेको बिस्तारै गर्ने भन्ने उल्लेख छ । तर, २०७४ सालमा सम्पन्न साधारणसभाले अध्यक्ष मेहताकै संयोजकत्वमा गठित विधान मस्यौदा समितिले सबै शाखाको चुनाव सम्पन्न नगरी अधिवेशन नगर्ने संशोधन हाल्यो । 
कार्यविधि–२०७२ अनुसार उपभोक्ता समितिको विधान संशोधन गराउन सिँचाई कार्यालयको प्राविधिक सहयोगसँगै उपभोक्ताहरुको समेत सहभागिता आवश्यक छ । तर, विवादास्पद ढंगले उक्त संशोधन अध्यक्ष मेहतानिकट सदस्यहरु मिली अनुमोदन गराएका थिए । 
‘यसले गर्दा समितिअन्तर्गत रहेका १९ शाखामा चुनाव नहुने वातावरण सिर्जना भएका छन्’, केन्द्रीय सदस्य साह भन्छन्, ‘शाखा र प्रशाखाहरुमै चुनाव नभएपछि केन्द्रीय अध्यक्ष एउटै रहने वातावरण सिर्जना भएको छ ।’ 
उनीहरुले यसविरुद्ध समितिका सात जना सदस्य मिलेर सुनसरी–मोरङ सिँचाई योजनामा निवेदनसमेत दिएका छन् । साथै, सिँचाई विभाग र ऊर्जा, जलस्रोत तथा सिँचाई मन्त्रालयमा समेत बोधार्थ दिएका छन् । 
तर, राजनीतिक आँड र संरक्षण पाएका मेहताले ‘आफूलाई सक्ने भए हटाउन’ भन्दै धम्की दिने गरेको कार्यसमितिका सदस्यहरु बताउँछन् । उनलाई मन्त्री वर्षमान पुनका प्रमुख स्वकीय सचिव दुर्गाप्रसाद चापागाईं ‘सचिन’, नेकपा प्रदेश सदस्य मुक्साहाङ मेन्याङ्बो ‘मुकेश’ र डम्बर सुवेदी ‘हिमाल’लगायतका राजनीतिक नेताहरुको दरिलो आँड छ । 
अध्यक्ष मेहतासमेत हाल तेस्रो कार्यकाल सञ्चालन गरिरहेको जिकिर गर्छन् । तर, कार्यविधि–२०७२ मा दुई कार्यकालभन्दा बढी एउटै व्यक्ति पदाधिकारी बन्न नपाइने उल्लेख छ । उनी भन्छन्, ‘अधिवेशनै नभएको भन्नु झुटो आरोपमात्रै हो । समय पुगेपछि अधिवेशन हुन्छ ।’ 

Advertisement

Advertisement
थप खबर...

नक्कली बिल बनाएर कँग्रेसकी नेपालगन्ज उमहानगरका उपमेयर थापाद्धारा खानामा समेत भ्रष्टाचार, पत्रकारहरु समेत सहभागी

रोशन ज्ञवाली काठमाडौं । नेपालीमा एउटा उखान छ ‘अति नगर्नु अति गरे आफैलाई खती’ अहिले यही भइरहेको छ नेपालगञ्ज...

सहानुुभति भोट नपाउने भएपछि रबिन्द्रकी बिद्या तनावमा

रमेश कुमार बोहोरा काठमाडौं । सहानुुभति भोट नपाउने भएपछि पूर्व पर्यटनमन्त्री रबिन्द्रप्रसाद अधिकारीकी बिद्या...

राजापुरमा बटैया प्रथा हटाएर ‘तिक्कुर’ प्रथा लादन खोज्ने समूह सकृय

राजापुर । परम्परागत रूपमा चलेको बटैया (आधा–आधा बाँड्ने) प्रथा हटाएर तिक्कुर प्रथा (तीन भागको दुई भाग किसानलाइ र...

प्रधानमन्त्री केपी ओलीलाई सम्राट शाहको चुनौती

सम्माननिय प्रधानमन्त्री केपी ओली ज्यु सायद तपाई देश भक्त नेता एवंम देश भक्त प्रधानमन्त्री हो। सायद देशको यस्तो...

गाडी व्यवसायी मात्र फटाहा हुन् भनेर समस्याको समाधान हुदैनः भण्डारी

काठमाडा, बैशाख १ । नेपाल यातायात व्यवसायी राष्ट्रिय महासंघका उप–महासचिव बसन्त भण्डारीले सिन्डिकेटको अर्थ नै...

ज्ञानेन्द्र शाह तेस्रो पटक राजा हुने पक्काः ज्यो. दीपक सुवेदी

काठमाडौं । ज्यो. दीपक सुवेदी त्यस्ता ज्योतिषी हुन् जसले बेला बेलामा राष्ट्रको बारेमा अनौठा अनौठा भविष्यवाणी...

सिण्डीकेटविरद्ध सडकमा उत्रिए एसपी

सुमन ढुंगाना पोखरा । यातायातको सिन्डीकेटलाई रोक्न सरकार कडा रुपमा प्रस्तुत भईरहेको अवस्थामा पोखरामा यातायात...

काँग्रेसले देश र जनताको पक्षमा केही राम्रा काम गर्नुपर्छः रमेशकुमार महत

नुवाकोटका रमेशकुमार महत नेपाली काँग्रेस नेता हुन्, विद्यार्थीकालदेखि नै राजनीति गर्दै आएका उनी नेपाली...

लिटल मिस हेरिटेज नेपालको आयोजना हुने

काठमाडौं, जेठ २६ । जेनिथ इन्टरटेनमेन्ट द्वारा ईप्लानेट प्रा.लि. को सहकार्यमा लिटल मिस हेरिटेज नेपालको आयोजना...

के अब ज्ञानेन्द्र नै अन्तिम विकल्प हो ?

रमेश कुमार बोहोरा काठमाडौ । राजा आउनुपर्छ भन्दै सलबलाउँदै गर्नेहरु धेरै छन् तर ज्ञानेन्द्र भने चुपचाप लागेका...

Advertisement
Advertisement

Subscribe our Newsletter