भगवानको कृपा भन्दै राहत बाँड्दै

29 दिन अगाडी

काठमाडौं । कोरोना भाइरसका कारण भएको लकडाउनमा अरुको दुःखलाई पनि आफ्नै समस्या ठान्ने कमै भेटिन्छन् । लकडाउनका कारण दैनिक गुजारा गर्न नपाएकाहरु कति दिन भोकै परे त कतिले अकालमै ज्यान गुमाए । केही व्यक्ति तथा संघसंस्थाहरुले भने पीडितको जीवन सहज होस् भनेर राहत बाँडे ।

यस्तै एक उदाहरण हुन् ज्ञानेश्वर काठमाडौकी हिरा पाण्डे । धर्मप्रति अत्यन्तै आस्था र विश्वास राख्ने, अरुको भलाईलाई नै आफ्नो सन्तुष्टि सम्झने उनले चैत्र २२ गतेबाट निरन्तर राहत वितरण गर्दै आएकी छिन् । उनले सुरुमा बिहान बेलुकै समस्यामा परेकालाई चामल, दाल, चिउरा, नुन, आलु, भुजा र आवश्यक अन्य सामग्री उपलव्ध गराउँदै आएकी थिइन् । तर अहिले भने प्रायजसो बिहान राहत बाँड्ने गर्छिन् । दैनिक सेवा गर्न पाइन भने मलाई पछुतो लाग्छ, कसैलाई दिएर खान पाएँ भने आत्मा नै खुशी हुन्छ भन्ने उनी राहत दिँदादिँदै आफ्नो केही सकियो भने पनि चिन्ता नमान्ने बताउँछिन् । जर्मन राजदुतावास नजिकै मन्दिर छेउमा घर भएकी उनी राहत वितरण गर्न पाएकामा धेरै गौरव गर्छिन् । तर यो कसैले कहिल्यै पनि नसोचेको परिस्थिति आएकामा भने उनलाई दुःख लागेको छ ।

यो असहज अवस्थामा सबैलाई सजग र सचेत रहन आग्रह गर्ने उनी घरमै बोलाउँछिन् र गेटबाट सामग्री लान आग्रह गर्छिन् । उनी दिनभर सामग्री पोको पारेर बस्ने गर्छिन् । कोही अत्यन्तै समस्यामा परेको भए दिउँसो पनि भेट गर्ने गर्छिन् उनी । आजभोलि उनको दैनिकी चामल, तेल, नुन र अरु पोको पार्दैमा बितेको छ । उनले अहिलेसम्म राहत वितरण गरेकाहरुको नाम, फोन नम्बर र ठेगाना राखेकी छिन् । फोन आउँछ अनि कुरा गर्छु, जो पनि मेरोमा आउन सक्नुहुन्छ भन्ने हिरालाई दैनिक धेरै रकम खर्च गर्नुपरेकामा दुःखभन्दा बढी खुशी छ । उनी हामी त भगवानले खटाएका काम गर्न पठाएका पात्रमात्र हौं भन्छिन् । आफूकहाँ आउन नसक्ने र शारीरिक अशक्तता भएका वा अन्य कारणले नसकेकालाई घरमै राहत लगिदिने गरेको उनको भनाई छ । उनले घरमा मात्र होइन अन्य ठाउँमा पनि सेवा गरेकी छिन् । कहिलेकाँही टाढाका मानिसमा समस्या परेको छ भन्ने सुनें भने त्यतैका पसल वा चिनेजानेका मानिससँग समन्वय गरेर सक्दो सहयोग गर्छु भन्छिन् उनी ।
भगवानले नै मलाई राहत बाँड्नु भनेर पठाएको हो भन्ने उनी यो संसारमा अचम्मको लिला भएको बताउँछिन् । नसोचेको अवस्था आयो, मलाई सेवा गर्न जुरेको रहेछ भन्छिन्् उनी । वडा नम्बर ३० मा बस्ने उनलाई वडाका प्रतिनिधिले पनि कहिलेकाँही मानिस पठाउने गरेका छन् । उनले अहिलेसम्म सहयोग गर्दा कसैबाट सहयोग लिएकी छैनन् र लिन मन पनि नगरेको बताउँछिन् । सहयोग मागेको भए जहाँ पनि पाइन्थ्यो र अरुले पनि केही गर्नुपर्छ कि भनेर भन्ने गरेको सुनाउँदै उनले आफूलाई यसैमा सन्तुष्टि लागेको दावी गर्छिन् । उनी लकडाउनभर यो सामाजिक काममा सक्रिय रहने बताउँछिन् । उनले आफू धेरै लामो समयदेखि सामाजिक र धार्मिक क्षेत्रमा लागेको स्पष्ट पारेकी छिन् । गरेको भरसक चर्चा गर्न र प्रचार गर्नु आवश्यक ठान्दिन भन्ने उनी कसैको पनि अहित र कुभलो नचिताउनु नै मानवीय कर्तव्य भएको बताउँछिन् ।


भगवानको कृपा भन्दै राहत बाँड्दै

Click to Zoom




Advertisement

Advertisement
थप खबर...

भीम रावल उपप्रधानमन्त्रीसहित कावा प्रम बन्ने सम्भावना

काठमाडौं । नेकपाका अध्यक्ष तथा प्रधानमन्त्री केपी ओलीले आगामी केही दिनमै मन्त्रिपरिषद् परिवर्तन गर्ने तयारी...

नक्कली बिल बनाएर कँग्रेसकी नेपालगन्ज उमहानगरका उपमेयर थापाद्धारा खानामा समेत भ्रष्टाचार, पत्रकारहरु समेत सहभागी

रोशन ज्ञवाली काठमाडौं । नेपालीमा एउटा उखान छ ‘अति नगर्नु अति गरे आफैलाई खती’ अहिले यही भइरहेको छ नेपालगञ्ज...

कोरोना भाइरसः घर फर्किए क्वारेन्टाइनमा बसेका १७५ नेपाली

भक्तपुर । चीनको वुहानबाट उद्दार गरेर भक्तपुरमा राखिएका नेपाली विद्यार्थीहरु १६ दिनपछि सोमबार घर फर्किएका छन्...

सहानुुभति भोट नपाउने भएपछि रबिन्द्रकी बिद्या तनावमा

रमेश कुमार बोहोरा काठमाडौं । सहानुुभति भोट नपाउने भएपछि पूर्व पर्यटनमन्त्री रबिन्द्रप्रसाद अधिकारीकी बिद्या...

राजापुरमा बटैया प्रथा हटाएर ‘तिक्कुर’ प्रथा लादन खोज्ने समूह सकृय

राजापुर । परम्परागत रूपमा चलेको बटैया (आधा–आधा बाँड्ने) प्रथा हटाएर तिक्कुर प्रथा (तीन भागको दुई भाग किसानलाइ र...

प्रधानमन्त्री केपी ओलीलाई सम्राट शाहको चुनौती

सम्माननिय प्रधानमन्त्री केपी ओली ज्यु सायद तपाई देश भक्त नेता एवंम देश भक्त प्रधानमन्त्री हो। सायद देशको यस्तो...

गाडी व्यवसायी मात्र फटाहा हुन् भनेर समस्याको समाधान हुदैनः भण्डारी

काठमाडा, बैशाख १ । नेपाल यातायात व्यवसायी राष्ट्रिय महासंघका उप–महासचिव बसन्त भण्डारीले सिन्डिकेटको अर्थ नै...

ज्ञानेन्द्र शाह तेस्रो पटक राजा हुने पक्काः ज्यो. दीपक सुवेदी

काठमाडौं । ज्यो. दीपक सुवेदी त्यस्ता ज्योतिषी हुन् जसले बेला बेलामा राष्ट्रको बारेमा अनौठा अनौठा भविष्यवाणी...

के अब ज्ञानेन्द्र नै अन्तिम विकल्प हो ?

रमेश कुमार बोहोरा काठमाडौ । राजा आउनुपर्छ भन्दै सलबलाउँदै गर्नेहरु धेरै छन् तर ज्ञानेन्द्र भने चुपचाप लागेका...

सिण्डीकेटविरद्ध सडकमा उत्रिए एसपी

सुमन ढुंगाना पोखरा । यातायातको सिन्डीकेटलाई रोक्न सरकार कडा रुपमा प्रस्तुत भईरहेको अवस्थामा पोखरामा यातायात...

Advertisement
Advertisement

Subscribe our Newsletter